Jæja drengir,

Hér  með kveðjum við þessa síðu sem hefur þjónað okkur vel í gegnum tíðina og þökkum við Blogcentral samstarfið...

Öll starfssemi mun færast hér með á www.vatnaliljur.com

Kv.Rikki

Sælar dömur
Ég vona að mönnum sé það kristaltært að ef við ætlum að fylgja þessum sigri í eftir í gær þá verða menn að æfa og mæta á æfingar og að því sögðu þá vonast ég til að sjá sem flesta á morgun.

Vil að menn hugsi bara um þessar dollur sem ég vil og vil að þið viljið vinna...........

Næsta æfing verður ekki síðan fyrr en á þriðjudag daginn fyrir leik sem eru HAUKAR U og þeir eru frekar sterkir hef ég heyrt.

Látið mig vita hvort þið komist eða ekki
hérna eða í gsm 771-4010

Og munið að þið eruð ekki í besta forminu og áfengið er 10-15 daga að fara úr blóðinu.


Kv
Hokleiðinlegur Pálsson

Við mættum til leiks í Kórinn í gær og mættum þar nýliðum Esjunar sem höfðu verið óútreiknanlegir á pre-season, lagt lið eins og Dragon 4 - 1 og tapað fyrir FC Ice 0 - 5 svo ekki vissum við hvað við vorum að fara í en menn voru almennt ferskir og léttir fyrir leik...

Byrjunarlið:                      

                       Rikki    Arnar
                            Eyþór
                  Gunni         Mikki 
                          Heiðar A (F)

            Emil   Helgi   Davíð  Krissi
                             Siggi

Bekkur: Matti, Óskar, Eyvi, Guðni og Kiddi


Fyrri hálfleikur:
Byrjaði fremur rólega beggja megin og virtust liðin reyna að lesa hvort annað út en það var varla færi fyrstu 20 mínúturnar, agaður varnarleikur beggja megin og ekki mikið um færi... Fyrsta alvöru sókn leiksins endar með að við fáum aukaspyrnu á hættulegum stað eftir að hafi verið brotið á Eyþóri, Heiðar á þrumuskot en skot hans hafnaði í slánni og óheppni að við náðum ekki að skora. Nokkrum mínútum síðar fáum við hornspyrnu, Rikki spyrnir fyrir og nær Davíð skalla niður og enn og aftur bjargaði sláinn þeim en aðeins í nokkrar sekúndur því Heiðar nær frákastinu og sendir boltann aftur niður á Rikka sem leikur á varnarmann og ákveður að láta vaða á markið í stað þess að gefa fyrir og endaði boltinn í netinu og má segja að markvörður þeirra hafi litið ansi illa út í því marki en við þáðum markið og við komnir í 1 - 0.
Eftir markið héldum við áfram að stjórna leiknum, þeir fengu ekki eitt færi í fyrri hálfleik en okkur gekk hinsvegar illa að skapa, vorum nálægt að bæta marki við þegar Heiðar slapp einn innfyrir en klúðraði illilega með að vippa boltanum framhjá markinu en hann átti hinsvegar eftir að bæta það upp en staðan í hálfleik 1 - 0!

Seinni hálfleikur:
Byrjuðum með allt niðrum okkur, héldum boltanum illa og þeir að færa sig upp á skaftið, jöfnunarmark þeirra var að ódýrari gerðinni, þeir taka hornspyrnu og eftir klafs hjá Sigga og varnarmönnum nær leikmaður þeirra að fá hann á hausinn og skallar í tómt markið og var þetta eina færi þeirra til þessa en staðan 1 - 1... Við vorum fljótir að jafna okkur á þessu og kom bara enn meiri barátta í menn og jókst sóknarþungi okkar sem skilaði sér 15 mínútum eftir markið þeirra, þá hreinsar markmaður þeirra frá eftir pressu okkar að markinu en boltann berst beint á Heiðar sem er 30 metra frá marki og vippar glæsilega yfir markmanninn og enn og aftur leit hann illa út miðað við að vörnin hjá þeim var fín nánast allan leikinn en við komnir yfir aftur 2 - 1. Leikurinn fjaraði nánast út eftir þetta, þeir reyndu að sækja en komumst hvorki lönd né strönd en Helgi og Davíð voru eins og klettar í vörninni en lokatölur 2 - 1 og 3 stig í húsi takk fyrir.

Þetta var kannski ekki fallegasti sigurinn en við sættum okkar alltaf við 3 stig sama hvernig þau eru fengin, varnarmúrar báðum megin en við klárlega með hættulegri færi og átti Siggi nokkuð náðugan dag í markinu, Helgi og Davíð voru fínir ásamt Krissa, Matti átti fína innkomu í bakvörðinn. Annars voru allir að skila sínu í dag og menn áttu það sameiginlegt á vellinum í gær að vilja 3 stig sem varð uppskeran að lokum.

Næsti leikur er 10.Júní gegn Haukum U!

Vatnaliljur - Esjan  2 - 1
Mörk: Rikki og Heiðar
Gul Spjöld: Rikki, Heiðar, Helgi
MoM: Rikki

Jæja drengir þá er loksins komið að stóru stundinni en spurningin er: ERU MENN TILBÚNIR???

Mæting í Kórinn kl.20:00 og ekki sekúndu seinna!

Hópurinn:
Rikki
Kiddi
Helgi
Siggi
Heiðar
Emil
Óskar
Eyvi
Krissi
Davíð
Arnar M
Gunni Sænski
Eyþór
Mikki
Matti
Guðni T

Sjáumst ferskir í kvöld og menn eiga að gíra sig upp í þennan leik NÚNA!

Menn verða að mæta með sokka í kvöld þar sem við fáum ekki nýju sokkana fyrr en á morgun!

Sælar!        

Það verður æfing í kvöld á Valsvelli sem er nýja gervigrasið við Vodafonevöllinn á Hlíðarenda en æfingin er kl.20:30 og þarf vart að taka fram að það er alger skyldumæting enda fyrsti leikur á morgun!

Commenta mætingu!

Það styttist í fyrsta leik tímabilsins en hann verður á Fimmtudaginn í Kórnum og hefst kl.21:00 gegn nýliðum Esjunar sem saman stendur af drengjum í Vesturbænum og leggja þeir mikinn metnað í liðið og halda uppi aðdáendasíðu á Facebook, einnig hafa þeir auglýst leikinn vel og bjuggu meðal annars til þetta:


Það má segja að þetta sé alvöru hjá þeim drengjum!

Upphitun:

Fyrir hvern leik í sumar verð ég með upphitun þar sem farið verður yfir mótherja, liðið okkar, meiðsli og líklegt byrjunarlið, menn mega ekki fara að gráta ef ég stilli þeim ekki upp í byrjunarlið, þetta er uppá djókið en það er svo þjálfarinn sem velur liðið.

Mótherjar:
Esjan er nýtt lið inn í deildina og fóru þeir beint í efri riðil og var það að þeirra ósk en ég get í rauninni ekkert sagt um liðið, hef aldrei séð þá spila en veit um 3 leiki sem þeir hafa spilað, frumraun þeirra var gegn FC Ice og töpuðu þeir 5 - 0 í sínum fyrsta leik en vantaði reyndar marga hjá þeim heyrði ég, þeir unnu síðan Vatnsbera 4 - 1 sem við töpuðum 3 - 0 fyrir í æfingamótinu, svo um daginn töpuðu þeir fyrir Hómer 0 - 2, semsagt 1 sigur og 2 tapaðir úr leikjum sem ég veit um hjá þeim, það segir akkúrat ekkert! Við förum algerlega blindandi í þennan leik og leggjum hann upp með eins og við spiluðum síðasta leik.

Vatnaliljur komnir og farnir:
"Smá breyting" á liði okkar frá því í fyrra...
Komnir: Ingó, Siggi S, Guðni T, Gunni Sænski, Garðar, Eyvi, Emil A og Óskar
Farnir: Andri, Stebbi, Simmi, Tommi, Ívar Hilmars, Andri Hrafn og Addi

Þess má til gamans geta að meðalaldur leikmanna sem eru farnir er 24,2 ára en meðalaldur leikmanna sem eru komnir er 31,25 ára.
Mjög svo skemmtileg tölfræði

Líklegt byrjunarlið: (giska frá æfingaleikjum)

                Arnar Rikki
                    Mikki
            Gunni S  Garðar
                    Heiðar
      Emil A  Helgi Davíð Krissi
                    Siggi 

Ussss! Við stöndum frammi fyrir því að eiga 2 góða menn í hverja stöðu, erum að púsla saman góðu liði en eins og ég sagði þá er ég að giska út í bláinn og er þetta aðallega gert upp á gamanið og eiga menn ekki að taka þetta til sín, því þeim sem er stillt upp í líklegt byrjunarlið gætu allt í eins verið á bekknum þegar Kóngurinn tilkynnir liðið.

Sagan:
1.umferð hefur ekki alltaf hentað Vatnaliljum...

1.umferð 2005... Vatnaliljur - Mannsi 2 - 4
1.umferð 2006... Vatnaliljur - Hunangstunglið 2 - 0
1.umferð 2007... Vatnaliljur - Vængir Júpíters 0 - 1
1.umferð 2008... Vatnaliljur - Dragon 1 - 1

4 stig af mögulegum 12 í fyrstu umferð.

Forföll:
Menn hafa eitthvað verið að meiðast lítillega á undirbúningstímabili en það eiga allir að vera búnir að hrista það af sér og klárir í fyrsta leik á Fimmtudag!

Hópurinn:
Kiddi mun tilkynna hópinn á æfingunni sem verður annaðkvöld en hún verður auglýst hérna á morgun á síðunni og einnig fá menn sms.

Vatnaliljur - Esjan
Kórinn
Fimmtudag
Kl.21:00

Mættum nýliðum Bjarnarins í Egilshöll í gær og er óhætt að segja að þetta hafi verið einn skemmtilegasti leikur VL í lengri tíma, við reyndum að spila fótbolta 90% af leiknum og gekk það bara frábærlega eftir, boltinn látinn rúlla hratt á milli manna og allar úrslitasendingar settar á bekkinn!

Byrjunarlið: 

                      Ingó    Siggi S
                             Mikki
                  Rikki         Garðar R 
                          Heiðar A

            Guðni T   Krissi   Óskar  Eyvi
                             Siggi
Bekkur: Matti

Fyrri hálfleikur: Byrjuðum á fullum krafti og uppskárum fljótlega þegar Heiðar sendi frábæra sendingu innfyrir á Rikka sem var einn á auðum sjó fyrir framan markið en ákvað að renna boltanum til hliðar á Garðar sem lagði boltann í autt netið og staðan orðin 1 - 0. Björninn jafnaði reyndar metin fljótlega eftir mistök Sigga í markinu en Siggi átti eftir að bæta þau mistök upp en staðan 1 - 1 eftir 20 mín. Rikki tók svo aukaspyrnu og skrúfaði hann fast efst á mitt markið sem markvörður þeirra réð ekki við og staðan í hálfleik 2 - 1 og við mikið sterkari!

Seinni hálfleikur: Í seinni hálfleik létum við boltann rúlla frábærlega og þeir hreinlega ekki með á köflum, gömlu ÍH jálkarnir Heiðar, Sigló og Garðar spiluðu frábærlega á milli sín og Garðar endaði með að þruma boltanum í markið og kom okkur í 3 - 1. Siggi Sigló var svo á ferðinni nokkrum mínútum síðar eftir góða stungusendingu frá Óskari og við að klára leikinn, í lokinn léku svo Guðni og Rikki vel sín á milli sem varð til þess að Guðni komst í gegn en var óeigingjarn og renndi boltanum til hliðar á Ingó sem þakkaði pent fyrir sig og kláraði leikinn fyrir okkur 5 - 1!

Þetta var á köflum frábær spilamennska hjá liðinu, mikið af góðum mörkum þar sem liðsheildin spilaði sig í gegn hvað eftir annað og menn óeigingjarnir trekk í trekk og ekkert nema frábært að sjá þetta, nýju mennirnir Siggi S, Garðar og Guðni skiluðu sínu mjög vel og Guðni T hugsanlega að festa framtíðarstöðu sína en menn á bekknum töluðu um Guðna Alves ... Annars skiluðu allir sínu í leiknum og gefur Víðir Sigurðsson á MBL öllum 10 í einkunn!

Svo byrjar alvaran 4.Júní með leik við Esjuna í Kórnum kl.21:00 sem er Fimmtudagur!

Æfing svo í Sporthúsinu Laugardaginn nk. kl.14:00

Vatnaliljur - Björninn  5 - 1
Mörk: Garðar 2, Rikki, Siggi Sigló, Ingó
Assists: Rikki, Siggi S, Óskar, Guðni T
Gul Spjöld: Enginn held ég bara
MoM: Erfitt að velja mann leiksins þar sem allir voru að spila vel svo liðið sjálft var klárlega maður leiksins!

Æfingaleikur á Fjölnisvelli á móti Birninum...

Mæting kl 20:00 á slaginu

Koma með 500 kr í leikinn.. ekki klikka á því!!!!!!!!

Allir sem komast eiga að mæta..

Comennts hverjir mæta!

Það er æfing í Kórnum í kvöld kl.20:30 og er þetta síðasti tíminn okkar í bili þar svo býst við alvöru mætingu!

Commenta með mætingu!

Sælar dömur
Það er undir ykkur komið hvort það verði æfing á morgun
þannig meldið ykkur hérna sem komast á morgun
ef við verðum ekki lágmark 8 þá sleppum við henni og tökum svaðalega góða á mánudaginn

Meldið ykkur eða hringið í mig 771-4010
Kv
KP

leikur á morgun við SÁÁ á gerfigrasinu í mosó hjá Aftureldingu...

Sælar,

Það er að sjálfsögðu æfing í Kórnum í kvöld kl.20:30!

Hverjir mæta?

Mæting ekki seinna en kl 14 því þá verður spilað og bullandi hamingja. Þema mæta í kjól sem svipar til kjólnum hennar Jóhönnu Guðrúnar.

Andri, Helgi, David og Chrisó....

skrá mætingu

Við mættum RWS í síðasta æfingaleik fyrir utandeildina sem hefst nú strax í byrjun Júní, aðstæður voru ekki hagstæðar og var vindur um 20m/s og 56m í hviðum, spiluðum nýverið við þetta lið og máttum við þola 1 - 0 tap reyndar undirmannaðir og var engin breyting á í þessum leik, þurftum reyndar ekki að kalla í stelpu eða litla bróðir hennar.

Byrjunarlið: 

                      Rikki      Arnar
                             Mikki
                  Óskar         Hreimur 
                      Gunni Sænski  

            Emil   Davíð   Helgi  Eyvi
                             Valur

Bekkur: Ingó

Fyrri hálfleikur: Byrjaði frekar illa af okkar hálfu, héldum bolta illa og spilaði rokið þar stórt inní, náðum svo að hemja boltann þegar leið á hálfleikinn og áttum við nokkrar álitlegar sóknir... Óskar skoraði eftir um 20 mínútna leik eftir flotta sendingu frá Arnari og við komnir í 1 - 0.
Arnar Már bætti við öðru marki nokkrum mínútum síðar eftir samleik við Rikka og staðan í hálfleik 2 - 0

Seinni hálfleikur: Það má segja að seinni hálfleikur hafi farið vel af stað því strax í upphafi fengum við aukaspyrnu rétt fyrir framan miðju, Davíð nýtti sér vindinn í bakið og kom með fastann bolta að markinu þar sem Rikki var mættur og lagði boltann í netið einn og óvaldaður og var þetta fyrsta mark hans fyrir félagið í tæplega ár og leyndi gleðin og léttirinn sér ekki í markinu. Eftir 3. markið tók við smá kæruleysi en skrifa má það á meiðsli manna inná vellinum þar sem við vorum bara með 1 skiptimann, Emil fyrirliði fór útaf meiddur og var þá enginn annar á bekknum, Mikki, Óskar og Eyvi spiluðu allir meiddir í seinni hálfleik og vonum við að þetta hrjái þá ekki á næstunni. Það myndaðist hiti undir lok leiks þegar leikmaður RWS kleip í það allra heilagasta hjá Sænska sem brást illa við, (leikmaður RWS sagðist reyndar ekki hafa fundið fyrir neinu þarna niðri) En án alls gríns var þessi tiltekni leikmaður búinn að vera með spaðalæti allan seinni hálfleikinn við aðra menn inná vellinum, Kobbi vísaði báðum mönnum af velli og endaði svo þessi drengur á að glotta og hlægja framan í bekkinn hjá okkur (mjög þroskað). 
Leikurinn fjaraði síðan út og lokatölur 3 - 0.

Jæja enginn stórkostlegur fótbolti en skoruðum 3 og héldum hreinu og vil ég í leiðinni þakka Val kærlega fyrir pre seasonið en hann er að hverfa á braut og endaði hann þetta með stæl! 

Vatnaliljur - RWS 3 - 0
Mörk: Óskar, Arnar Már og Rikki
Stoðsendingar: Arnar Már, Rikki og Davíð
Gul Spjöld: Helgi, Davíð og Emil
Rauð Spöld: Gunni Sænski
MoM: Valur (hélt hreinu og var gríðarlega öruggur í öllum sínum aðgerðum)


Það er æfing í kvöld í Kórnum kl.20:30, fáum hálfan völl svo það er eins gott að menn mæti og nýti sér það, Vill sjá lágmark 16 manns í kvöld!

Sælar dömur
Leikur í kveld á Gervigrasvelli Frammara
Mæting kl 20:50 í seinasta lagi....... leikurinn hefst á slaginu 21:30

Þeir sem mæta í þennan leik eru

Helgi
Rikki
Gunni sænski
Emil
Mikki ef líkþornið hefur jafnað sig
Matti
Óskar Finnboga
Ingó
Arnar M
Krissi
Hreimur
Davíð
Eyþór
Kjartan
Valur keeper

MÆTA MEÐ 500 KALL og má það ekki KLIKKA!